Цахим сүлжээнд олон нийтийг сэртхийлэгсэн зүй бус үйлдэл бүхий хохирогчийн нийтлэл нийтлэгдэж багагүй хугацааг өнгөрөөгөөд байна.
Дээрх асуудлаар бид та бүхэнд зөвлөгөө мэдээлэл хүргэхийг зорьлоо.
Манай улсад 2014 оны 01 дүгээр сарын 01-ны өдрөөс эхлэн гэрч хохирогчийг хамгаалах тухай хууль хүчин төгөлдөр мөрдөгдөж байгаа бөгөөд Эрүүгийн хэрэг хянан шийдвэрлэх ажиллагааны явцад гэрч хохирогчийг хамгаалах зорилгоор урьдчилан сануулах, сэжигтэн яллагдагч шүүгдэгчид тодорхой үйлдлийг хязгаарлах, биечилсэн хамгаалалт, мэдээллийн нууцлалыг хангах; нэг бүрийн тусгай хэрэгсэл болон тусгай техник хэрэгсэл, харилцаа холбооны хэрэгслээр хангах, аюулгүй газарт түр байрлуулах; нүүлгэн шилжүүлэх; баримт бичгийг солих; гадаад төрхийг өөрчлөх зэрэг арга хэлбэрээр хамгаалалтыг хэрэглэхээр хуульчлан тогтоосон. Иймд гэрч болон хохирогч хянан шалгагдаж буй эрүүгийн хэргийн явцад энэ төрлийн хүсэлтийг гаргаж өөрт тохирох хамгаалалтын хэрэгслийг хэрэглэх боломжтой байна.
